දීඝවාපිය යලි දැකීමේ උදාරතර ප්රයත්නය
පුජනිය දීඝවාපිය ස්ථූපය ප්රතිසංස්කරණය සදහා වූ ජාතික ප්රයත්නයක අවශ්යතාවය, අතිගරු ජනාධිපති ගෝඨාභය රාජපක්ෂ මැතිතුමා බලයට පත්වීමෙන් අනතුරුව දීඝවාපිය මහා විහාරාධිපති පූජ්ය මහඔය සෝභිත හිමියන් විසින් ජනාධිපති ගෝඨාභය රාජපක්ෂ මැතිතුමාගේ අවධානයට යොමුකරන ලදී.
රටේ පුරාවිද්යාත්මකව වටිනා ස්ථාන සහ ජාතික උරුමයන් සංරක්ෂණය කිරීම ජනාධිපතිතුමාගේ ‘සෞභාග්යයේ දැක්ම’ මැතිවරණ ප්රතිපත්ති ප්රකාශනය යටතේ දැක්වෙන ප්රධාන කරුණකි.
මෙම උදාර අරමුණ මහා සංඝයා විසින් ඍජු අවධානයට යොමු කරනු ලැබුවේ මෑත අතීතයේ දී ස්තූපය අලුත්වැඩියා කිරීමට ගන්නා ලද උත්සාහයන් කිහිපයක් නිෂ්ඵල වීමේ අත්දැකීම් පදනම් කරගෙන ය.
දීඝවාපිය පුරාණ විහාරය
බුදුරජාණන් වහන්සේ ලක්දිවට වැඩමවා වදාළ පුජනීය සොලොස්මස්ථාන අතුරින් පූජනීය පුරාණ ආගමික ස්ථානයක් ලෙස දීඝවාපිය ප්රචලිතය. මහාවංශයට අනුව දුටුගැමුණු රජතුමාගේ සොහොයුරා වන සද්ධාතිස්ස රජතුමා විසින් ඉදිකර ඇති දීඝවාපිය බෞද්ධ විහාරස්ථානය සහ එහි පුරාවිද්යාත්මක වැදගත්කමකින් යුතු භූමියේ ඉතිහාසය ක්රි.පු. 3 වන සියවස දක්වා ඈතට දිවෙන බව මහාවංශය සදහන් කරයි.
මෙම මහා ස්තූපය ඉදිකර ඇත්තේ බුදුරජාණන් වහන්සේගේ ‘නිය ධාතුන් වහන්සේ’ තැන්පත් කිරීමෙන් බව පුරාවෘත්ත සාක්ෂි දරයි.
බුදුරජාණන් වහන්සේ තෙවැනි වරට ලක්දිවට වැඩි අවස්ථාවේදී ශ්රී පාද කඳු මුදුනේ දවස ගත කිරීමෙන් අනතුරුව දීඝවාපිය වෙත වැඩම කල බව මහා වංශයේ සදහන් වේ.
කාවන්තිස්ස රජු දීඝවාපිය පුද බිම ආරක්ෂාකිරීම සදහා අශ්ව රථ සහිත සේනාවන් සමග තම දෙවන පුත් තිස්ස කුමරු යොදවා තිබු අතර කෘෂිකාර්මික වශයෙන් සරුසාර බිමක් වූ මෙම ප්රදේශයේ වගාකටයුතු සහ වාරිමාර්ග වැඩි දියුණු කිරීමේ කාර්යයද ඔහුට පවරා ඇති අතර එය එකල රටේ ආහාර නිෂ්පාදනයේ ප්රධාන තැනක් ගත් බව මහාවංශයේ සදහන් වේ.
දීඝවාපිය ස්ථූපය සහ මහා සංඝයා උදෙසා විහාරයක් පසුකාලීනව රජ වූ සද්ධාතිස්ස රජතුමා විසින් ඉදි කරන ලදී.
දීඝවාපිය ස්ථුපය’ ප්රතිසංස්කරණ ව්යාපෘතිය
අප්රේල් 19, 2024
තායිවාන ජාතික LU,SU-FENG මැතිනිය අද (අප්රේල් 19) දින ඇමරිකානු ඩොලර් 3025 (රුපියල් 913,688.55) ක මුදලක් දීඝවාපිය භාරකාර අරමුදලේ ගිණුම වෙත බැර කිරීමට කටයුතු කර ඇත.
අප්රේල් 08, 2024
දීඝවාපි මහා සෑය ප්රතිසංස්කරණ කටයුතු අතරතුර හමුවූ ශ්රී සර්වඥ ධාතූන් වහන්සේලා හා එම සෑ රඳුන්ගේ තැන්පත් කෙරෙන චූඩා මාණික්යය සැදැහැවත් බෞද්ධ ජනතාවගේ වන්දනාමානය සඳහා අවස්ථාව සලසා දීමේ අරමුණින් සිදුකරනු ලබන “දීඝවාපි මහා සෑ ධාතූ වන්දනා” මේ වනවිට ඓතිහාසික අනුරාධපුර පුජා නගරය ආශ්රිතව ප්රදර්ශනය කරනු ලබයි.
අප්රේල් 02, 2024
දීඝවාපි මහා සෑය ප්රතිසංස්කරණ කටයුතු අතරතුර හමුවූ ශ්රී සර්වඥ ධාතූන් වහන්සේලා හා දීඝවාපි මහා සෑ රඳුන්ගේ තැන්පත් කෙරෙන චූඩා මාණික්යය සැදැහැවත් ජනී ජනයාගේ වන්දනාමානය සඳහා අවස්ථාව සලසා දීමේ අරමුණින් සිදුකරනු ලබන “දීඝවාපි මහා සෑ ධාතූ වන්දනා” පසුගියදා ඓතිහාසික අනුරාධපුර පුජා නගරය වෙත වැඩම කරවන ලදි.
මාර්තු 20, 2024
අම්පාර, ඓතිහාසික දීඝවාපි පුදබිමේ සහ ලාහුගල පිහිටි නීලගිරි මහා සෑයේ සිදුකෙරෙන ප්රතිසංස්කරණ කටයුතුවල ප්රගතිය පිළිබඳව අධීක්ෂණය සඳහා දීඝවාපි චෛත්ය ප්රතිසංස්කරණය කිරීමේ භාරකාර මණ්ඩලයේ භාරකතෘ සහ පළමුවන භාරකරු “දීඝවාපිය අරුණභාරය” වන ආරක්ෂක ලේකම්, ජෙනරල් කමල් ගුණරත්න, අද (මාර්තු 20) එහි නිරීක්ෂණ චාරිකාවක නිරත විය.
මාර්තු 18, 2024
21 පාබල සේනාංකයේ සේනාංකාධිපති මේජර් ජෙනරල් එච්.එච්.කේ.එස්.එස් හේවගේ ආර්ඩබ්ලිව්පී ආර්එස්පී යූඑස්පී ආර්සීඩීඑස් පීඑස්සී ගේ උපදෙස් මත 21 පාබල සේනාංකයේ භටපිරිස්, දිවයින පුරා වර්ණවත් පෙරහැරකින් වැඩම කරවන දීඝවාපි චෛත්යයේ තැන්පත් කිරීමට නියමිත සර්වඥ ධාතූන් වහන්සේලා 2024 මාර්තු මස 13 දින ගෞරවපුර්වකව හා මහත් හරසරින් යුතුව පිළිගන්නා ලදි.
දීඝවාපිය ඡායාරූප එකතුව
දායකවන්න
ගිණුමේ නම: දීඝවාපිය අරුණ
ගිණුම් අංකය: 86860000
බැංකුව : ලංකා බැංකුව
ශාඛාව: තැප්රොබේන් ශාඛාව, කොළඹ
බැංකු කේතය: 7010
ශාඛා කේතය: 747
ශිෆ්ට් කේතය: BCEYLKLX
අප අමතන්න
ආරක්ෂක අමාත්යාංශය, ආරක්ෂක මූලස්ථාන සංකීර්ණය, ශ්රී ජයවර්ධනපුර, කෝට්ටේ.
deegawapiyaaruna@gmail.com
011 2430860-78
011 2541529