දීඝවාපි මහා සෑය ප්‍රතිසංස්කරණ කටයුතු අතරතුර හමුවූ ශ්‍රී සර්වඥ ධාතූන් වහන්සේලා හා දීඝවාපි මහා සෑ රඳුන්ගේ තැන්පත් කෙරෙන චූඩා මාණික්‍යය සැදැහැවත් ජනී ජනයාගේ වන්දනාමානය සඳහා අවස්ථාව සලසා දීමේ අරමුණින් සිදුකරනු ලබන “දීඝවාපි මහා සෑ ධාතූ වන්දනා” පසුගියදා ඓතිහාසික මාතලේ පුරවරයට වැඩම කරවන ලදි.

ඒ අනුව, මැයි 27 සිට 29 දක්වා මාතලේ අභිනවාරාම විහාරස්ථානයේ මෙම සර්වඥ ධාතූන් වහන්සේ ප්‍රදර්ශනය කිරීමෙන් අනතුරුව මැයි 29 සිට 31 දක්වා මාතලේ ශ්‍රී වේළුවනාරාම විහාරස්ථානයේදීත් මැයි 31 දා සිට ජුනි 02 දා දක්වා මාතලේ දාස්ගිරිය ඉසිපතනාරාමයේදීත් මහජන වන්දනාමානය සඳහා තැන්පත් කිරීමට නියමිතය.